- 77 -

1403. März 16.

Jodocus dei gracia Marchio Brandemburgensis sacri Romani Imperij Archicamerarius, Marchio et dominus Morauie Notumfacimus tenore presencium universis, Quod licet de benignitatis innate clemencia cunctorum nostrorum fidelium profectibus pijs studijs, ut eorum relevetur necessitas, dignamur intendere, precipue tamen salutis proprie memores ex quadam speciali prerogativa favoris noster ad hoc votis flagrantibus aspirat affectus, ut tempore nostri regiminis cultus augeatur divinus, per quem universorum cristifidelium salus et benediccio a patre luminum sine dubio preparatur. Sane attendentes et interna consideracione pensantes salutaris propositi ardorem, quo Illustres et Religiose virgines Agnes nata quondam Illustris Nicolai ducis Oppauie et Anna de Mazouia professe Monasterij Ratiboriensis, et providus Wenceslaus presbiter de Baworow zelo eximie devocionis ducti salutis proprie curam gerentes sollicitam, prudenti commercio temporalibus bonis pro eternis feliciter commutatis, unum Altare in Ecclesia Parrochiali Baworow Ad honorem sanctorum decem Milia militum et sancti Nicolai confessoris sub titulo beati Erasmi Martiris ipsius Altaris patroni, de novo construere, erigere, fundare ipsumque pro sustentacione congrua Rectorum ipsius qui pro tempore fuerint, uno quartali Agrorum sito in Baworaw, ac Sex marcis census annui ibidem, vel si quid ulterius usque ad summam decem marcarum census contigerit successu temporis superaddi, dotare cupiunt et proponunt, Nos ipsorum precibus ad nostrum auditorium cum instancia debita introductis tamquam iustis et racionabilibus favorabiliter inclinati, cupientes eciam huiusmodi bonorum operum fieri participes, Ad ereccionem, fundacionem et dotacionem predicti Altaris de novo faciendam Animo deliberato voluntate libera ac de certa sciencia nostrum consensum prebuimus, et virtute presencium velud Marchio et dominus Morauie, sub cuius dicione temporali Bona predicta consistunt, benigne et favorabiliter consentimus, decernentes expresse ac volentes, ut collacio Altaris predicti quociescumque illud vacare continget, ad Juratos seu Scabinos in Baworow qui pro tempore fuerint, debeat pertinere. Presencium sub nostri Sigilli appensione testimonio litterarum. Datum Jegerdorff anno domini Millesimo Quadringentesimo Tercio feria Sexta proxima aute dominicam, qua cantatur in Ecclesia Oculi.
De mandato domini Marchionis Hinko prothonotarius.

Anhangend an einem Pergamentstreifen das Siegel in rothem Wachs mit einem Adler und der Umschrift: s. iodoci. dei. gra. marchiois. bradeburgen. marchiois. et. dni. morauie. ic.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 2, Urkunden der Klöster Rauden und Himmelwitz, der Dominicaner und Dominicanerinnen in der Stadt Ratibor. Hrsg von dr. W. Wattenbach, Breslau 1859.